1. JARDUERA: SARE SOZIALEN ERABILERA EZ EGOKIA
IKASGELAN LANTZEKO FILM LABURRA + TUTORETZA-LANA: “SELFIE”
Zer gertatzen da eskaini nahi dugun geure buruaren irudia, bizi duguna bera baino garrantzitsuagoa denean?
Marc eta Jenny oporretan daude Berlinen. Haien ametsetako bidaia dirudi, baina… Marc obsesionaturik dago bidaia honek Instagramen izango duen irudiarekin. Argazkiz argazki haien arteko haserrea gero eta handiagoa da, Jennyri egiten dion keinu bortitz bat iristen den arte. Hori bai, Marc-ek nahi zuena lortu du: Instagrameko argazkiek lagun guztien inbidia sortu dute…
FITXA TEKNIKOA
ZUZENDARIA: David M. Lorenz
HERRIALDEA: Alemania
URTEA: 2016
IRAUPENA: 7 min.
HIZKUNTZAK:
JB, euskaraz azpidatzirik.
JB, gazteleraz azpidatzirik.
ZINEMA-ARETOAN IKUSTEKO FILM LUZEA: “SARE SOZIALA”
Ben Meznich-en “Multimillonarios por accidente” liburuan oinarritua. Film honek kazetaritza-kronika eran egindako film honek, munduko sare sozialik garrantzitsuenetakoa den Facebook-en sorreraren nondik norakoak eskaintzen dizkigu.
2003a da, Harvard-eko Unibertsitatean, aurrez aurre harremanak izateko arazoak dituen Mark Zuckerberg, ikasle bitxi eta bikainak, unibertsitateko nesken erakarpena kalifikatzeko webgune bat sortzearen ideia izango du. Arrakasta hain izan zen berehalakoa, zeren unibertsitateko sarea kolapsatzera iritsi baitzen.
Harrez gero, harreman mota berri honen abantailak eta sare sozialen gehiegizkoa eta ezegokia den erabilera bizi ahal izan ditugu. Beraz, jarduera honek sorreratik orain arte aplikazio hauen ibilbide interesgarria eskaintzen digu.
FITXA TEKNIKOA
ZUZENDARIA: David Fincher
HERRIALDEA: AEB
URTEA: 2010
IRAUPENA: 120 min.
ANTZEZLEAK: Jesse Eisenberg, Andrew Garfield, Justin Timberlake, Armie Hammer, Max Minghella, Josh Pence, Joseph Mazzello
JASO DITUEN SARI NAGUSIAK:
2010: 3 Oscar: Gidoi, muntaia eta soinu banda onena. 8 izendapen
2010: Urrezko 4 Globo: Film, zuzendari, gidoi eta musika onena. 6 izeneapen
2010: 3 BAFTA Sari: Zuzendari, jatorrizko gidoi eta muntaia onena. 6 izendapen
HIZKUNTZAK:
Euskaraz bikoizturik.
Gazteleraz bikoizturik.
2. JARDUERA: NORBERE BURUAREN EZAGUTZA eta LEHENDABIZIKO HARREMAN SOZIALAK nerabezaroan.
IKASGELAN LANTZEKO FILM LABURRA + TUTORETZA-LANA: “EN LA AZOTEA”
Berlineko Zinemaldian aurkeztu eta Goya eta Gaudiraino iritsi den “En la azotea” filma, ESCAC-eko (Escola Superior de Cinema i Audiovisuals de Catalunya) ikasle talde baten karrera amaierako lana da.
Uda da. Adrian eta hamahiru eta hamalau urteko bere lagunak, arratsaldero joaten dira eraikitzen ari diren etxe bateko teilatu laura, bere terrazan eguzkia hartzen dagoen emakume bat zelatatzeko.
Oraingo honetako erronka zera da, ea zeinek ateratzen dion argazki bat hark jakin gabe.
FITXA TEKNIKOA
ZUZENDARIA: Damià Serra Cauchetiez.
HERRIALDEA: Espainia
URTEA: 2015
IRAUPENA: 11 min.
HIZKUNTZAK:
JB gazteleraz.
JB, euskaraz azpidatzirik.
ZINEMA-ARETOAN IKUSTEKO FILMA: “GOODBYE BERLIN”
“Goodbye Berlin” filmak, nerabe bik euren nortasunaren bila egingo duten sarbide-bidaia kontatzen digu.
Tenislari alkoholiko eta anbizio handiko negozio gizon baten semea da hamalau urteko Maik. Gazte honek egunero egin beharko dio aurre gizarte arrakasta eskasaren ondorioz bizi duen bakardade sentsazioari. Bakartien sentitzen den unean agertuko da Tschick, berak bezala, kideen onarpen eza bizi duen gelako ikaskide bat.
Hamabost eguneko bidaia bat egingo dute elkarrekin udako oporretan, non diren bezalakoak agertu eta adiskidetasunak eta norbere buruaz konfiantza izatearen balioaz jabetzea lortu ahalko duten.
FITXA TEKNIKOA
ZUZENDARIA: Faith Akin
HERRIALDEA: Alemania
URTEA: 2017
IRAUPENA: 93 min.
ANTZEZLEAK:
Tristan Göbel, Anand Batbileg, Nicole Mercedes Müller, Aniya Wendel, Justina Humpf, Paul Busche, Jerome Hirthammer
HIZKUNTZAK:
JB gazteleraz.
JB, euskaraz azpidatzirik.
3. JARDUERA: MOTIBAZIOA nerabezaroan: BABES ERAGILE bat SUBSTANTZIEN KONTSUMOAN.
IKASGELAN LANTZEKO FILM LABURRA + TUTORETZA-LANA: “CANDELA”
Gai soziala islatzen duen film labur honetako protagonista, Candela, nerabezaroan “harrapaturik” bizi den 26 urteko gaztea da. Ez du amak gainditu behar dituen arazo ekonomikoen berri, ez du inolako erantzukizunik nahi eta bideo-jolasekin nahasirik ematen du gaua.
Baina ustekabeak eramango du errealitatea ezagutu eta honi aurre egitera, eta portaera eredugarria izatera iritsiko da.
FITXA TEKNIKOA
ZUZENDARIA: David F. Torrico
HERRIALDEA: Espainia
URTEA: 2016
IRAUPENA: 15 min.
HIZKUNTZAK:
JB gazteleraz.
JB, euskaraz azpidatzirik.
ZINEMA-ARETOAN IKUSTEKO FILMA: “SING STREET”
80.eko hamarkada. Atzerapen ekonomiko handia bizitzen ari da Irlanda.
Testuinguru honetan, Conor-ek ikastetxez aldatu eta bizitza berri bati ekin beharko dio giro gatazkatsua daukan ikastetxe publiko batean, beteranoak berarekin sartzen saiatuko dira, baina… dena ez da arazo izango. Uste zenaren kontra, musikarako duen zaletasunak lagun berriak egitera eramango du: talde bat sortzearen ilusioa itxura hartzen ari da.
Musikak eta bere lehendabiziko maitasunak urrundu eta babestu egiten dute, drogan babesa bilatzera eraman zezakeen gizarte eta familia girotik.
FITXA TEKNIKOA
ZUZENDARIA: John Carney.
HERRIALDEA: Irlanda
URTEA: 2016
IRAUPENA: 105 min.
AKTOREAK: Ferdia Walsh-Peelo, Lucy Boynton, Jack Reynor, Aidan Gillen, Maria Doyle Kennedy, Don Wycherley, Kelly Thornton, Kyle Bradley.
JASO DITUEN SARI NAGUSIAK:
2016: Urrezko Globoak: Film onenaren izendapena- komedia edo musikala
2016: David di Donatello Sariak: Europar Batasuneko Fil onenaren Izendapena
2016: National Board of Review (NBR): Urteko film independente onenak
2016: Critics Choice Awards: Abesti onenaren izendapena
Euskaraz eta gazteleraz bikoizturik.